Bonjour tizot !
Oufe ben tes orelles, din min clu’b on a’recrut pon, on s'méfie d'ches gins qui tournent comme eul'vint ! Fo surto po canger pur’pire, ch'est pas la peine, façon ichi à Orchies ya jus’t des purchot’s.
Après si té cache un clu’b, et que t’es voe del leumière, reste po al’cour, rinte juer !
Té verra i n’a toudi un ki y'a sin cul collé sus l'caïelle d’ch bar (ch’ti là eun’chuches pas qu'des glachons …). D’ailleurs cro meu, quand i va’t vir, i va vit'fait d'baller sin verre, eud’peur keut l’i prin s’biere ! Cha ch’est quétte cosse !
Bo quand t’él voe té démand pu juer, et fair connaissance aveuc nou famile, on est tertous cul et qu’miche !
Chu s’u qu’même si té n’gagne nin gramint, t’aura ben du plaisi !
Après cha si t’es contint, in septemp on t’laichera eun plache, t’sais eud’ l’R2 al D3 on n’a du pain d’sus l’planque. Ch’est nin toudis l’ducasse, fo sake eddin, si t’as pas d’tiete, faut avoir des gampes, j’tapprin rin !
Pi t’oubiras nin pay’er eu’t cotisation comme tertous, nous zot on t’offe eu’t casaque ché d’jà po si mal (po d’argint ichi, car ché du bren del’argint !)
Parfo, après avo ben juer, ya même des pen'therres, d’el viant, d'eul'salat, du fromache, et pi du gatio pur chés bouqu' a chuque. M’enfin ché normal in n'ingraisse pont ches pourchiaux d’Orchies à l'iau claire.
J’tinvit, té verra, ch'est toudis meilleu à l'mason dé z'autes façon. Mé fo po fair el Goulaf' pur autant, et a’vir des ius pu grants qu'et' panche !
Ed’facon, so té sache comme eune imache, so té fait l' jacques, l’brayou qi fait que s'plainte, et alor là ON T’AR FOU AL’COUR !
Vl’a tout tizot, fais à t’mote achteur !
(...mais po à tou’t berzingue, ch'te vos d'ichi !)
Adé !
Si té m’rinconte té m'fé in baisse, min tio pouchin ! J’fais nin ça pur des prones !
Accueil 
